Bu rayonda yeni məktəb tikiləcək

Naxçıvan Muxtar Respublikasının Kəngərli rayonunda yeni məktəb tikiləcək.

Day.Az Trend-ə istinadən xəbər verir ki, təhsil ocağının binası rayonun Qıvraq qəsəbəsində inşa olunacaq.

Tikilməsi nəzərdə tutulan tam orta məktəbin 500 şagird yerlik olması nəzərdə tutulub.

Belə ki, artıq bununla bağlı Naxçıvan Muxtar Respublikasının Təhsil Nazirliyi müvafiq işlərə başlayıb.

Nazirlik məktəbin binasının layihə smeta sənədlərinin hazırlanması işlərini "Hinal Proje" Məhdud Məsuliyyətli Cəmiyyətinə (MMC) həvalə edib və müqavilə bağlayıb.

Müqaviləyə əsasən, şirkətə 56 050 manat ödənilib.