Azərbaycanlı zəvvarlar Həccə yola düşür
Azərbaycanlı zəvvarların bir qrupu Həcc ziyarətinə yola düşəcək.
Day.Az Milli.Az-a istinadən bildirir ki, bir qrup zəvvar Heydər Əliyev Hava Limanından Həccə gedəcək.
Qeyd edək ki, bu ilk zəvvar qrupudur. Axırıncı qrupun yola düşməsi isə mayın 31-i üçün planlaşdırılır. Əsas Həcc ayinləri iyunun 4-də olacaq. Zəvvarlar gedən kimi ilk ayinlər - Ümreyi Təməttö yerinə yetiriləcək. Sonra isə iyunun 4-nə qədər müstəqil ibadətlər nəzərdə tutulub.
Bir nəfər üçün ziyarət paketinin qiyməti 5 950 dollar təşkil edir. Qafqaz Müsəlmanları İdarəsi (QMİ) bu il Həcc ziyarətinə getmək istəyən azərbaycanlı zəvvarlar üçün 1 250 kvota yeri ayırıb.
Azərbaycanda 6-7 iyun Qurban bayramı günləri qeyri-iş günü elan edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
