Qaxda avtomobil 74 yaşlı piyadanı vurub

Qaxda 74 yaşlı kişini avtomobil vurub, vəziyyəti ağırdı.

APA-nın məlumatına görə, hadisə Qax şəhəri ərazisində baş verib.

Qax rayonu Qaxbaş kənd sakini Əfəndi Heydərov idarə etdiyi KİA markalı avtomobillə piyada Qax şəhər sakini İsmət Bayram oğlu Mustafayevi vurub. Qəza zamanı müxtəlif dərəcəli ağır bədən xəsarətləri alan İ.Mustafayev Qax Rayon Mərkəzi Xəstəxanasının (RMX) Reanimasiya şöbəsinə yerləşdirilib. İ.Mustafayevin vəziyyətinin orta-ağır olduğu bildirilir.

Faktla bağlı Qax rayon Polis Şöbəsində araşdırma aparılır.