Xalq artisti Tofiq Bakıxanov II Fəxri xiyabanda dəfn edilib - YENİLƏNİB - FOTO
Azərbaycan musiqi mədəniyyətinin inkişafında misilsiz xidmətləri olan, Xalq artisti, görkəmli bəstəkar, pedaqoq, professor Tofiq Bakıxanov avqustun 25-də II Fəxri xiyabanda dəfn edilib.
Day.Az Trend-ə istinadən xəbər verir ki, mərhumun ruhuna dualar oxunub, məzarı üzərinə gül dəstələri düzülüb, əklillər qoyulub.
Qeyd edək ki, T.Bakıxanov avqustun 23-də 96 yaşında vəfat edib.
XXX
12:04
Təzəpir məscidində Xalq artisti Tofiq Bakıxanovla vida mərasimi keçirilir.
Day.Az Trend-ə istinadən xəbər verir ki, mərasimdə mərhumun ailə üzvləri, sənət dostları və Mədəniyyət Nazirliyinin nümayəndələri iştirak edirlər.
Vida mərasimi Təzə Pir məscidində keçirilir. Mərhumun cənazəsinin qoyulduğu postamentin ətrafına Prezident İlham Əliyevin və Birinci vitse-prezident Mehriban Əliyevanın adından əklil düzülüb.
Xalq artisti II Fəxri xiyabanda dəfn olunacaq.
Qeyd edək ki, Xalq artisti, görkəmli bəstəkar, pedaqoq, professor Tofiq Bakıxanov avqustun 23-də 96 yaşında vəfat edib. O, respublikanın "Əməkdar incəsənət xadimi" (1973), "Xalq artisti" (1990) fəxri adlarına, "Şöhrət" (2000), "Şərəf" (2021) və 1-ci dərəcəli "Əmək" (2025) ordenlərinə layiq görülüb. Sənətkar 2002-ci ildən Prezidentin fərdi təqaüdçüsü idi.
Xatırladaq ki, T.Bakıxanov avqustun 23-də 96 yaşında vəfat edib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
