Nardaranda məscid nə vaxt açılacaq? - RƏSMİ AÇIQLAMA
Day.Az представляет новость на азербайджанском языке
Harada məscid, harada tarixi ziyarətgah varsa, orada mütləq dini icma olmalıdır.
Trend-in məlumatına görə, bunu dekabrın 17-də "Gənclər dini radikalizm və ekstremizmə "yox" deyir" mövzusunda keçirilən elmi-praktik konfransda Dini Qurumlarla İş üzrə Dövlət Komitəsinin sədri Mübariz Qurbanlı Nardarandakı məscidlərin vəziyyəti ilə bağlı məsələyə münasibət bildirərkən deyib.
Onun sözlərinə görə, icma mütləq lazımdır: "Nardaranda olan məscidlərdə isə icma yaradılmayıb. Yalnız Nardarandakı Cümə məscidi qeydiyyatdan keçmişdi. 2009-cu ildə isə qanunvericilikdə edilən dəyişiklikdən sonra təkrar qeydiyyatdan keçməli idi, amma keçməyib".
Komitə sədri əlavə edib ki, hazırda həmin məsciddə yeni icmanın yaradılması istiqamətində iş gedir: "Yəqin ki, ilin əvvəlində orada icma formalaşacaq və bundan sonra həmin məscid rəsmi qeydiyyatda olan məscid kimi fəaliyyətini davam etdirəcək".
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
