Xırdalan stansiyasının istifadəyə veriləcəyi tarix açıqlanıb

Day.Az представляет новость на азербайджанском языке

Noyabr ayının sonuna yaxın "Xırdalan" stansiyası sərnişinlərin istifadəsinə veriləcək.

Day.Az bildirir ki, bu barədə salamnews-a "Azərbaycan Dəmir Yolları" QSC-nin mətbuat katibliyinin rəisi Nadir Əzməmmədov məlumat verib.

Onun sözlərinə görə, Bakı-Sumqayıt xətti ilə işləyəcək iki mərtəbəli sərnişin qatarının keçəcəyi bütün dəmiryol stansiyalarında təmir işləri sona çatıb. Xırdalan stansiyasi da artıq qatarı qəbul etməyə hazırdır.

Qeyd edək ki, Bakı-Xırdalan-Sumqayıt sərnişin qatarı ötən ilin sentyabrında istifadəyə verilib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.