Ermənistanın apreldə Tərtərə qadağan olunmuş fosforlu mərmi atması ilə bağlı istintaq aparılır
Day.Az представляет новость на азербайджанском языке
"Təkcə aprel hadisələri deyil, ümumiyyətlə hərbi hissələrdə istər öz hərbçilərimiz tərəfindən, istərsə də Ermənistan silahlı qüvvələri tərəfindən törədilən hər bir kriminal hadisə insanlıq əleyhinə olan hadisə kimi hərbi prokurorluq tərəfindən dərhal fiksə olunur".
Day.Az Trend-ə istinadən bildirir ki, bunu jurnalistlərə açıqlamasında respublika hərbi prokuroru Xanlar Vəliyev deyib.
Hərbi prokuror bildirib ki, hər hansı bir hadisə baş verən kimi hadisə yerləri müayinə olunur, cinayət işi başlanılır:
"Aprel hadisələri ilə bağlı da cinayət işi başlanılıb. Erməni silahlı qüvvələri tərəfindən qətlə yetirilmiş Azərbaycan əsgərlərinin meyitləri müayinə olunub, lazımi istintaq əməliyyatları aparılıb. Ermənistanın hərbi qüvvələri tərəfindən Azərbaycanın Tərtər rayonunun kəndinə beynəlxalq faktlarla istifadəsi qadağan olunmuş fosforlu mərmi atılıb. Bununla bağlı istintaq hərəkətləri aparılır. Xarici ölkələrin Azərbaycanda təmsil olunan diplomatik nümayəndəlikləri də orada iştirak ediblər".
X.Vəliyev bildirib ki, bu faktların beynəlxalq ictimaiyyətə çatdırılması istiqamətində də işlər aparılır. Həmçinin, sözügedən məsələlərlə bağlı prokurorluq və aidiyyəti orqanlar tərəfindən də işlər aparılır.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре