Bakının Nizami rayonunda... - VİDEO

16 июля 2017 20:19

Day.Az представляет новость на азербайджанском языке

Bakıda yol təmir olunarkən avtobus dayanacağının müxtəlif hissələri, əsasən də üstü harasa aparılıb, amma təmir başa çatsa da, yerinə qoyulmayıb.

Milli.Az bildirir ki, söhbət Bakının Nizami rayonu, Rüstəm Rüstəmov küçəsindən gedir. Küçənin hər iki tərəfində üzbəüz yerləşən dayanacaqların üst hissəsi və şüşələri yoxdur. Həmin dayanacaqlarda 13 fərqli istiqamətə gedən avtobuslar dayanır. Sərnişinlərin bu qədər sıx olduğu ərazidə dayanacağın belə vəziyyətdə olmasına səbəb nədir? Bu problemi əməkdaşlarımız araşdırıb.

Sərnişinlərin dediyindən məlum olub ki, küçə bir müddət əvvəl genişləndirilib, asfalt örtüyü yenilənib. Yol genişləndirilərkən dayanacağın üstünü kimlərsə harasa aparıb, sonra gətirməyiblər.

Yolun qarşısındakı dayanacağın vəziyyəti isə daha pisdir. Onun sadəcə dirəkləri yerində qalıb.

Məsələ ilə bağlı Bakı Nəqliyyat Agentliyindən bildirdilər ki, hazırda dayanacaqların icra hakimiyyətlərinədən alınaraq Agentliyə verilməsi prosesi gedir. Proses yekunlaşandan sonra dayanacaqların hər birinə lazımınca nəzarət ediləcək. /xezerxeber.az

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:

Bir neçə avtobus dayanacağının müxtəlif hissələrini söküb aparıblar