Rezidenturaya qəbul olanların nəzərinə - Qeydiyyat başlanır

17 июля 2017 13:35

Day.Az представляет новость на азербайджанском языке

Dövlət İmtahan Mərkəzi (DİM) 2017/2018-ci tədris ili üçün rezidenturaya qəbul olmuş şəxslərə müraciət edib.

Mərkəzdən verilən məlumata görə, rezidenturaya qəbul olanlar DİM-in elektron xidməti çərçivəsində yaradılmış "Şəxsi kabinet"lərinin istifadəçi adını, namizədin elektron ərizələrinin iş nömrəsini və tələb olunan sənədləri sabahdan başlayaraq, iyulun 24-dək Səhiyyə Nazirliyinə təqdim edərək qeydiyyatdan keçməlidirlər.

Rezidenturaya qəbul olmuş şəxslərin göstərilən müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtina etməsi kimi qiymətləndiriləcək.

Qeydiyyatdan keçmə ixtisaslar üzrə müəyyənləşdirilmiş qrafik üzrə aparılacaq.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.