Ləvənginin içindən qurd çıxdı

Day.Az представляет новость на азербайджанском языке

Tortun, konfetin içindən qurd çıxdığı haqda xəbərlər çox eşitmişik, bu dəfə isə ləvənginin içindən qurd çıxıb.

Ağ qurdlar ləvənginin içində hərəkət edir. Bu hadisə qida məhsullarının çox zaman lazımi temperaturda və ya şəraitdə saxlanılmadığını ortaya qoyur.

Day.Az-ın  Xezerxeber.az-a istinadən məlumatına görə, videodan açıq aydın görünür ki, ləvənginin içində ağ qurdlar var və diridirlər.

Ekspertlər ləvəngilərin, ümumiyyətlə, standartlardan kənar hazırlandığını və saxlanıldığını təsdiqləyir.

Qida məhsulunda qurdların əmələ gəlməsi kifayət qədər təhlükəlidir və insan orqanizminə ciddi ziyan vura bilər.

İstehlakçılar belə vəziyyətlərlə qarşılaşdıqda mütləq İqtisadiyyat və Səhiyyə nazirliklərinə məlumat verməlidirlər ki, məhsulun satıldığı yerlə bağlı tədbir görülsün.

Mövzu ilə bağlı videomaterialı təqdim edirik:

Digər xəbərləri Azərbaycan dilində xüsusi Facebook səhifəmizdə izləyə bilərsiniz.