Ağır qəza baş verib, ata və oğul ölüb

Day.Az представляет новость на азербайджанском языке

Bakı-Sumqayıt yolunda ağır yol nəqliyyat hadisəsi baş verib.

Day.Az report.az-a istinadən bildirir ki, hadisə Bakı-Sumqayıt yolunun Ceyranbatan qəsəbəsi ərazisindən keçən hissəsində qeydə alınıb. Tərəvəz daşıyan Qazel markalı avtomobil MAN markalı qoşqulu yük avtomobilinə arxa hissədən zərbə ilə dəyib. Nəticədə Qazelin sürücüsü və yanındakı sərnişin dünyasını dəyişib.

Həlak olan şəxslər ata və oğuldur: 
1974-cü il təvəllüdlü İsmixanov Etibar Rizvan oğlu,
1997-ci il təvəllüdlü İsmixanov Araz Etibar oğlu

Qazel zərbədən sonra deformasiyaya uğradığından həlak olanların cəsədləri FHN-nin xüsusi riskli xilasetmə xidməti əməkdaşları tərəfindən maşından çıxarılıb.

Faktla bağlı araşdırma aparılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.