66 ilin avtomobili göz oxşayır - yeni avtomobildən seçilmir

Day.Az представляет новость на азербайджанском языке

Goranboy sakini 7 il öncə aldığı "QAZ 69" markalı avtomobilə 20 min manat xərc çəkərək əla vəziyyətə gətirib. Detalları dəyişməyən maşının yalnız salon hissəsi fərqli formada yığılıb. Gücünə və sürətinə görə sahibi avtomobili "dağ keçisi" adlandırır.

Milli.Az xezerxeber.az-a istinadən bildirir ki,  66 il əvvəl istehsal edilib, görkəminə görə yeni avtomobildən seçilmir. Goranboy sakini Rasim Tanırverdiyev 7 il öncə aldığı "Qaz 69" markalı avtomobilə 20 min manat xərc çəkərək bu vəziyyətə gətirib. Hər hansı detalları dəyişməyən maşının yalnız salon hissəsi fərqli formada yığılıb. Sürücü ilə bərabər 4 nəfərin rahat əyləşə biləcəyi modelin ən bahalı detalı isə onun üzərinə yerləşdirilən ceyrandır. Bu detalın qiyməti 1000 manata yaxındır.
Bu avtomobil digər modellərdən sürət qutusu ilə fərqlənir. Onu idarə etmək ilk dəfə sükanı arxasına əyləşənlər üçün bir qədər çətin olur.
Sahibi Qorki avtomobil zavodunda istehsal edilən "Qaz 69"-u gücünə və sürətinə görə "dağ keçisi" adlandırır. Sahibi avtomobili satmayacağını bildirib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:
66 ilin avtomobili göz oxşayır