3D-printerdə sümük və orqanlar hazırlanacaq

13 сентября 2017 20:33

Day.Az представляет новость на азербайджанском языке

Tomskda bir qrup Rusiya alimi bioprintinq deyilən 3D-printerdə sümük və orqanların çap edilməsi proqramı üzərində çalışır və onu test edir.

Day.Az AZƏRTAC-a istinadən xəbər verir ki, layihənin ayrı-ayrı sahələrində gözəl nəticələr əldə edilib. Artıq Rusiyanın aparıcı klinikaları, elmi tədqiqat institutları və idarələri alimlərin bu araşdırmalarını dəstəkləməyə razı olublar.

3D-printerdə sümük və orqanların çap edilməsi texnologiyası "Gələcəyin təbabəti" texnoloji platforması üçün Tomsk Dövlət Universitetinin və Rusiya Elmlər Akademiyasının Sibir bölməsinin Möhkəmlik Fizikası və Materialşünaslıq İnstitutunun bazasında işlənir. Elmi dairələrin məlumatına görə, yeni texnologiya üzərində iş 2018-ci ilin əvvəlində başa çatmalıdır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.