Azərbaycan Polşa və Ukraynadan gələn turistlərin sayını artırmaq niyyətindədir

16 сентября 2017 09:25

Day.Az представляет новость на азербайджанском языке

Azərbaycan Turizm Assosiasiyası (AzTA) Polşada nümayəndəliyini açmağı planlaşdırır.

Day.Az Trend-ə istinadən xəbər verir ki, AzTA-nın sədri Nahid Bağırov bildirib ki, artıq Malayziya, Dubay və Ukraynada qurumun nümayəndəlikləri var.

Onun sözlərinə görə, ölkə xaricində nümayəndəliklərin olması Azərbaycan üzərindən üçüncü ölkəyə getmək, beynəlxalq turların təşkili kimi qərarların verilməsinə səbəb olub:

 

"Gürcüstana hər il 200 mindən çox polşalı turist səyahət edir. Gürcüstan istiqaməti ukraynalı turistlər tərəfindən də böyük maraqla qarşılanır. Biz də Azərbaycan ərazisini təklif etməklə, bu prosesdə iştirak etmək istəyirik. Azərbaycandan tranzit kimi istifadə edilə, ölkəmiz üzərindən keçməklə beynəlxalq turlar təşkil oluna bilər".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.