Xızıda ”Məlumatlı ol ki, İnsan alveri qurbanı olmayasan” adlı maarifləndirmə kampaniyası keçirilib - FOTO

16 сентября 2017 09:33

Day.Az представляет новость на азербайджанском языке

"Ailə Dünyası" Ailələrə Hüquqi Yardım İctimai Birliyi Azərbaycan Respublikası Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi "Məlumatlı ol ki, İnsan alveri qurbanı olmayasan" layihəsinin icra planına uyğun olaraq Xızı rayonunda risk altında olan sahələrdə çalışan insanlar, təşkilat və müəssisə rəhbərləri arasında insan alveri ilə bağlı növbəti maarifləndirmə kampaniyasını həyata keçirdib.

Bu barədə Day.Az-a "Ailə Dünyası" Ailələrə Hüquqi Yardım İctimai Birliyinin mətbuat xidmətindən bildirilib.

Tədbirdə ekspert Gülayə Səfərova iştirakçılara cinayətkarlar tərəfindən insanları insan alverinə necə cəlb etmələri, insanların bu bəladan qorunma yolları, bu sahədə fəaliyyət göstərən dövlət qurumları, onların qaynar xətt xidmətləri barədə məlumat verdi və bu sahədə təşkilat tərəfindən hazırlanmış Yaddaş kitabçası iştirakçılara təqdim olundu.

Tədbirdə rayon icra hakimiyyətinin, hüquq mühafizə orqanlarının, təhsil şöbəsinin işçiləri, inşaat, kənd təsərrüfatı işlərini həyata keçirən sahibkarlar və ev qulluğu sahəsində çalışanlar və onları işə götürənlər iştirak edirdi.

Mövzu ilə bağlı tədbir iştirakçılarından rayon İcra Hakimiyyətinin nümayəndəsi Ceyhun İsgəndərov, Xızı RPŞ -nin əməkdaşı Ziya Əliyev öz dəyərli fikirlərini bölüşüb təkliflərini verdilər.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.