Nazirlik dahi şairin ev muzeyinin sökülməsinə münasibət bildirdi

Day.Az представляет новость на азербайджанском языке

"Şair Mirzə Ələkbər Sabirin sökülən ev muzeyi orijinal deyildi".

Day.Az xəbər verir ki, bunu "Report"a açıqlamasında Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şıxməmmədov deyib.

O qeyd edib ki, illər əvvəl şairin ev muzeyi yararsız vəziyyətdə olduğu üçün sökülüb və yerində hazırki bina tikilib: "İndi xüsusi layihə əsasında Sabirin evinin orijinalı yenidən inşa edilir".

Qeyd edək ki, Mirzə Ələkbər Sabirin Şamaxıdakı ev muzeyi sökülüb. Yaxın zamanlarda muzeyin tikintisi başa çatacaq. Muzeydə olan bütün əşyalar hazırda Şamaxı Mərkəzi Kitabxanasında polis mühafizəsi altında saxlanılır. Tikinti başa çatdıqdan sonra əşyalar əvvəlki şəkildə öz yerlərinə yerləşdiriləcək.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.