Təhsi lhaqqından azad edilən tələbələr ən çox hansı ali məktəbdədir?

Day.Az представляет новость на азербайджанском языке.

Dövlət ali məktəblərində müxtəlif kateqoriyadan olan tələbələr arasında müəyyən güzəştlərə malik olan gənclər var. Məsələn, məcburi köçkün tələbələr dövlət ali məktəblərinin ödənişli ixtisaslarında təhsil aldıqları müddətdə ödənişdən azaddırlar.

Maraqlıdır, hazırda ali məktəblərdə nə qədər məcburi köçkün gənc təhsil alır?

Milli.Az modern.az-a istinadən nəticələri təqdim edir:

Bakı Dövlət Universitetinin mətbuat katibi Pərvanə İbrahimova:

"Ümumiyyətlə, ali təhsil müəssisələrində 4 kateqoriya üzrə güzəşt mövcuddur. Bunlar qaçqın və məcburi köçkünlər, şəhid ailələri, Qarabağ müharibəsi əlillərinin övladları və valideyn himayəsindən məhrum olanlardır. Bu kateqoriyadan olan tələbələr təhsil haqlarından azaddırlar.
Qeyd edilən kateqoriyadan olan tələbələrin universitetimiz üzrə ümumi sayı 1535 nəfərdir. Bu il qəbul olunanların sayı isə 515 nəfərdir".

Azərbaycan Dövlət Pedaqoji Universitetinin (ADPU) ictimaiyyətlə əlaqələr şöbəsinin müdiri Mənsur İbrahimli:

"Azərbaycan Dövlət Pedaqoji Universitetində bakalavriat səviyyəsində II, III, IV kurslar üzrə  340 nəfər, magistr səviyyəsində 28 nəfər məcburi köçkün tələbə ali təhsil alır.
 2017-2018-ci tədris ilində isə ali təhsilin bakalavriat səviyyəsinə 155, magistr səviyyəsinə isə 19 nəfər məcburi köçkün tələbər qəbul olunub".

Azərbaycan Texniki Universitetinin mətbuat xidmətinin rəhbəri Nicat Abdullayev:

"Hazırda Azərbaycan Texniki Universitetində 326 nəfər qaçqın və məcburi köçkün olan tələbə təhsil alır.  Əyani və qiyabi şöbələr üzrə Nəqliyyat fakültəsində 62, Elektrotexnika və energetikada 49, Radiotexnika və rabitədə 45, Maşınqayırmada 60, Metalurgiyada 37, Avtomatika və kompyuter texnikasında 140, Mühəndis biznesi və menecmentdə 14, Xüsusi texnika və texnologiya fakültəsində 3 məcburi köçkün tələbə var. Bu il AzTU-ya ümumilikdə 89 nəfər məcburi köçkün tələbə qəbul olunub".

Azərbaycan Dövlət Neft və Sənaye Universitetinin (ADNSU) ictimaiyyətlə əlaqələr və marketinq departamentinin rəhbəri Bəhruz Nəzərov:

"Bu il ümumilikdə Azərbaycan Dövlət Neft və Sənaye Universitetinə 2471 bakalavr qəbul olunub. Onlardan 885-i ödənişli əsaslarla, 1586-sı isə dövlət hesabına təhsil alır. Magistr səviyyəsinə isə 512 nəfər qəbul olunub. Onlardan 231-i dövlət hesabına, 281-i isə ödənişli əsaslarla təhsil alır.
Bu il qəbul olanlardan 124 bakalavr, 21 magistr məcburi köçkün tələbələrdir. 10 bakalavr, 2 magistr valideyn himayəsindən məhrum olanlardır. 16 bakalavr isə şəhid ailələrinin övladlarıdır. Bu tələbələr təhsil aldıqları müddətdə təhsil haqlarından tamamilə azaddırlar".

Azərbaycan Memarlıq və İnşaat Universitetinin mətbuat katibi Nəcibə Mirzəyeva:

"AzMİU-da ümumilikdə 789 nəfər məcburi köçkün təhsil alır. Onlardan 138 nəfəri bu il daxil olub. 24 nəfər abituriyent isə ali məktəbimizə qəbul olunub, amma qeydiyyatdan keçməyib. Onlar ödənişli əsaslarla daxil olan şəxslərdir ki, maddi imkansızlıq ucbatından, təhsil haqqını ödəyə bilmədikləri üçün oxuya bilmirlər".

Azərbaycan Tibb Universitetinin (ATU) mətbuat xidmətinin rəhbəri Günel Aslanova:

"ATU-da ümumilikdə 326 məcburi köçkün təhsil alır. Bu il isə  62 məcburi köçkün tələbə qəbul olunub. Qeyd edim ki, bu tələbələr  güzəştli kateqoriyaya daxildirlər və təhsil haqlarından tamamilə azaddırlar".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.