Yük avtomobilində ölən şəxs icra başçısının müavininin oğlu çıxdı – TƏFƏRRÜAT

12 октября 2017 13:20

Day.Az представляет новость на азербайджанском языке

Ötən gün Bakının Yasamal rayonunda, Tbilisi prospektində baş vermiş ağır yol-nəqliyyat hadisəsi ilə bağlı təfərrüatlar üzə çıxıb.

Day.Az-ın Ölkə.Az-a istinadla məlumatına görə, qəza nəticəsində faciəvi şəkildə həlak olan sürücü, 1982-ci il təvəllüdlü, İmişli rayon sakini Haqverdiyev Xalid Əlirza oğlu olub.

Hadisədən bir neçə saat əvvəl mərhumun atası, iş adamı Əlirza Haqverdiyev oğluna zəng edərək, onlara məxsus olan "Howo" markalı yük avtomobilinin Bakıda qaldığını və onu təcili rayona gətirmək lazım olduğunu söyləyib. Xalid Haqverdiyev isə yük maşınının sükanı arxasına keçərək, onu idarə edib. O, yük avtomobilini sürətlə idarə etdiyi üçün idarəetməni itirib. Bu zaman Xalid Haqverdiyev özünü avtomaşından aşağı atıb, xilas olmaq istəyərkən, "Howo" avtomobilinin təkərləri altına düşüb.

Qeyd edək ki, mərhumun atası Əlirza Haqverdiyev hazırda İmişli rayon İcra Hakimiyyəti başçısının müavini, rayon Fövqaladə Hallar Komissiyasının sədr müavinidir. Eyni zamanda, Əlirza Haqverdiyev biznes fəaliyyəti ilə də məşğul olur. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!