“O xəritə Rusiyanın sifarişidir” - Türk mediasından şok iddia

12 октября 2017 16:50

Day.Az представляет новость на азербайджанском языке

Ötən həftə ölkə gündəmini zəbt edən "Azərbaycan tarixi" dərsliyindəki səhv Türkiyə mediasında da işıqlandırılıb.

Day.Az qafqazinfo-ya istinadən xəbər verir ki, bu barədə yazan "Sözcü" qəzeti qalmaqallı iddia irəli sürüb. Nəşr sözügedən məsələnin arxasında Rusiyanın dayandığını yazır. Xəbərdə qeyd edilir ki, bu haqda Azərbycandakı mənbələr danışıblar. Onlar iddia edib ki, dərslik və oradakı xəritə Rusiya tərəfindən sifarişlə hazırlanıb.

Xatırladaq ki, rus bölməsinin 10-cu sinifləri üçün hazırlanan "Azərbaycan tarixi" dərsliyində yer almış xəritədə uydurma "Dənizdən-dənizə Böyük Ermənistan" dövlətinin əraziləri təsvir olunub. Uydurma dövlətin ərazilərinə Azərbaycan, Türkiyə, İran və Gürcüstanın torpaqları daxil edilib. Həmin kitablar toplanaraq yenisi nəşr edilib və məktəblərə verilib. 

Digər xəbərləri Azərbaycan dilində xüsusi Facebook səhifəmizdə izləyə bilərsiniz.