Vəsiqə, diplom itirənlərin nəzərinə!

Day.Az представляет новость на азербайджанском языке

"Azərpoçt" MMC-nin "Poçtap" sistemində 478 itmiş sənəd qeydə alınıb.

Day.Az bildirir ki, Trend-ə MMC-dən verilən məlumata görə, bu sənədlərdən 155-i sahiblərinə qaytarılıb.

Tapılan sənədlərdən 311-i müvafiq strukturlara göndərilib, 12-i isə "Azərpoçt"un filiallarında qalır.

MMC-dən onu da bildiriblər ki, tapılan sənədlərin böyük əksəriyyəti şəxsiyyət vəsiqələri olur.

Qeyd edək ki, "Poçtap" servisi 2017-ci ilin fevralında Bakı Baş Polis İdarəsi, "Bakımetropoliten" QSC, "Təmiz Şəhər" ASC və "BakuBus" MMC ilə birgə işə salınıb. İtirilmiş sənədlər "Poçtap" sistemində 30 gün müddətində qalır, daha sonra bu sənədlər müvafiq strukturlarla göndərilir.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.