Bu həftə Musiqili Teatrda 9 tamaşa olacaq - FOTOLAR

15 ноября 2017 11:19

Day.Az представляет новость на азербайджанском языке

Azərbaycan Dövlət Musiqili Teatrında bu həftə ərzində 9 tamaşa nümayiş olunacaq.

Teatrın mətbuat xidmətindən Day.Az-a verilən məlumata görə, tamaşaçılar 16, 17, 18, 19 noyabr tarixlərində saat 11.00, 12.00, 14.00, 15.00, 16.00 və 19.00-da "Hacı Qara" (M.F. Axundzadə), "Qızıl cücə" (V. Ulanovski, V. Orlov), "Arşın mal alan" (Ü. Hacıbəyli), "Molla Nəsrəddinin beş arvadı" (İ. Sadıqov), "Bremen musiqiçiləri və Pen" (C. Barri, Qrimm qardaşları), "Mən dəyərəm min cavana" (F. Sücəddinov, T. Vəliyeva) və "Düyməcik" (H.K. Andersen) tamaşalarını izləyə bilərlər. Musiqili Teatr bu həftə də rusdilli və balaca tamaşaçılarını unutmayıb. Belə ki, 16, 18 noyabr tarixində saat 12.00-da V. Ulanovski, V. Orlovun "Qızıl cücə", 19 noyabr saat 14.00-da H.K. Andersenin "Düyməcik" əsəri rus dilində, həmin gün 12.00-da C. Barri, Qrimm qardaşlarının "Bremen musiqiçiləri və Pen" nağıl-tamaşası Azərbaycan dilində uşaqlar üçün nümayiş olunacaq. Tamaşaçılar təqdim olunacaq səhnə əsərlərində sevimli aktyorları - Azərbaycan Respublikasının Xalq artisti İlham Namiq Kamal, Əməkdar artistlər Boris Qrafkin, Nahidə Orucova, Əzizağa Əzizov, Svetlana Bulax, Almaz Ələsgərli, Əkbər Əlizadə, Səidə Şərifəliyeva, aktyorlar Məhərrəm Qurbanov, Rəsmiyyə Nurməmmədova, Möylə Mirzəliyev, Ağaxan Şərifov, Nadir Xasıyev, Marina Litvenonko, Gülcahan Salamova, Nadejda Povelitsina, Gülçöhrə Abdullayeva, Elxan İsmayılov, Ülviyyə Əliyeva, Emil Heydərov, Gültac Əlili, Əliməmməd Novruzov, Yuliya Heydərova, Hüseyn Əlili, Elnarə Nağdəliyeva, Rauf Babayev, Mehriban Zalıyeva, Ruslan Mürsəlov, Şaban Cəfərov, Gülnarə Əzizova, Əmrah Dadaşov, Aydan Həsənova, Səməd Xasıyev, Nicat Əli, Atəş Qarayev, Eleanora Mehdiyeva, Elməddin Dadaşov, Zaur Əliyev, Fərid Rzayev, Cəlalə Novruzlu və başqalarının ifalarını izləyə biləcəklər.

Azərbaycan Dövlət Musiqili Teatrı həftəsonunu şən və yaddaqalan keçirmək istəyən hər kəsi bir-birindən maraqlı tamaşalara baxmağa dəvət edir. 6 manatdan başlanan biletləri şəhərin bütün teatr-konsert kassalarından və "ASAN Xidmət" mərkəzlərindən əldə etmək olar.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.