Bakıda elektrik qatarları ilə bağlı yeni xəbər

6 декабря 2017 18:12

Day.Az представляет новость на азербайджанском языке

Bakıətrafı qəsəbələrə elektrik qatarlarının bərpa edilməsi istiqamətində işlər aparılır.

Day.Az Trend-ə istinadən xəbər verir ki, Abşeron və şəhərətrafı qəsəbələrə gedən elektrik qatarlarının relsləri bərpa olunur. Məlumat verən mənbənin sözlərinə görə, elektrik qatarlarının relsləri köhnəlmişdi:

"Həmin relslər dəyişdirilir, bərpa olunur. Dəqiq vaxt söyləmək mümkün olmasa da, yaxın gələcəkdə elektrik qatarlarının işə düşməsi gözlənilir".

Qeyd edək ki, Milli Məclisin noyabrın 22-də keçirilən iclasında deputat Çingiz Qənizadə Bakıda tıxacların aradan qaldırılması üçün elektrik qatarlarının bərpa edilməsinin vacibliyini qeyd edib. Deputat bildirib ki, elektrik qatarlarının bərpası həm də ekoloji durumun yaxşılaşmasına səbəb olacaq. Ç.Qənizadə hesab edir ki, elektrik qatarlarının bərpası turizmin inkişafına da müsbət təsir göstərə bilər.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!