"Roma"nın baş məşqçisi Əfran İsmayılovdan danışıb

8 декабря 2017 10:51

Day.Az представляет новость на азербайджанском языке

"Ev matçımızda "Qarabağ" start heyətində dəyişiklik etdi. İlk "11-liy"ə oyun üslubuna bələd olmadığımız Əfran İsmayılov daxil edildi".

Day.Az report-a istinadən xəbər verir ki, bunu İtaliyanın "Roma" klubunun baş məşqçisi Eusebio Di Françesko Çempionlar Liqasının qrup mərhələsinin son tur qarşılaşması barədə danışarkən deyib.

O bildirib ki, "Qarabağ"ı 1:0 hesabı ilə yendikləri görüşdən əvvəl Alessandro Florentsi və Aleksandar Kolarova İsmayılovu izləməyi tapşırıb: "Əfranın oyununu bir neçə dəqiqə ərzində Florentsi və Kolarova göstərdim. Oyun qaydalarımız yox, yalnız bizə köməyi dəyə biləcək xırda məqamlar rəqibə görə dəyişir. Rəqibin heyəti ilə bir qədər gec tanış olursan, amma bu, vacibdir. Rəqibin bizə qarşı hansı heyətlə oynayacağını bilməliyik".

Qeyd edək ki, Əfran İsmayılov "Roma" ilə səfər matçında 76 dəqiqə meydanda olub. O, Çempionlar Liqasının qrup mərhələsində ilk dəfə start heyətində çıxış edib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!