“Türk eli. Mif və reallıq” kitabı cap olunub - FOTO

8 декабря 2017 11:44

Day.Az представляет новость на азербайджанском языке

Bu günlərdə Sima Canəhmədovanın "Türk eli. Mif və reallıq" kitabı işıq üzü görüb.

Bu barədə Day.Az-a Azərbaycan Dövlət Musiqili Teatrının mətbuat xidmətindən bildirilib.

Bu fundamental araşdırmada müəllif oxucunu qədim türk miflərinin süjet və qəhrəmanları, çoxəsrlik ənənələri ilə tanış etməklə yanaşı, özünün düşüncələrini təqdim edir. Müəllifə görə bir sıra hallarda tarix dərslikləri bir-birinə ziddir və onların dəqiqliyi şübhə altında qalır. Bu kitabla alternativ tarix sevənlərin həqiqətlərin axtarışı ilə mübahisə etməyə imkanları yaranır.

Topluda müəllif adət-ənənələrin, mərasimlərin unudulmaması üçün onların əsrlər boyu qorunmasına  kömək edən "səmərəli forma" axtarışındadır.

Nəsildən-nəslə qədim tanrıların adlarının dəyişməsi, onların fonetik variasiya çevrilməsi və bir sıra başqa suallara bu cəlbedici kitabın səhifələrində cavab tapmaq olar.

Müəllif xüsusi hazırlanmış metodika ilə oxucunun diqqətini bütün dünya boyu səpələnmiş türk mənşəli toponimlərə yönəldir, qədim türk soyunun sivilizasiyanın başlanğıcına şahidlik etməsini oxucunun diqqətinə çatdırır.

"Türk eli. Mif və reallıq" kitabı "Apostroff" nəşriyyatında nəşr olunub. Toplunun naşiri Akif Dənzizadə, redaktoru Nailə Əskərovadır.

Kitab geniş oxucu kütləsi üçün nəzərdə tutulmuşdur.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!