"Leyla Yunus həmişə Azərbaycan əleyhinə iş apararaq maraqları naminə hər kəsi satıb"

8 декабря 2017 12:55

Day.Az представляет новость на азербайджанском языке

Leyla Yunus həmişə Azərbaycan əleyhinə iş aparıb, öz maraqları naminə hər kəsi satıb.

Day.Az Trend-ə istinadən xəbər verir ki, bunu Milli Məclisin deputatı Sahib Alıyev bu gün "Leyla Yunusun parlaqlığı və səfaləti" adlı kitabın təqdimatında deyib.

S.Alıyev bildirib ki, kitabda L.Yunusun bütün iç üzü açılıb: "Leyla Yunus Azərbaycanı, Azərbaycan dövlətini satan bir adamdır. Bu xanım tanıdığı bütün hüquq müdafiəçilərini satıb, zərbə altnda qoyub. Leyla Yunusu maliyyələşdirən, ona bir çox ölkələrdə imarətlər, villalar alan, külli miqdarda bank hesabı yaratmağa imkan yaradan çevrələr məhz Leyla Yunus kimi ictimai vuruslardan ictimai rəy lideri yaradırlar. Leyla Yunus kimi ictimai bir virusu da Azərbaycan cəmiyyətinə ictimai rəy lideri kimi sırımağa çalışırdılar".

 

Deputat vurğulayıb ki, L.Yunus Azərbaycana qarşı ən iyrənc yollara əl atıb: "Leyla Yunus Avopa Oyunları ərəfəsində deyirdi ki, Avropadakı qurumlara demək lazımdır ki, onlar bu məsələni qabartsınlar ki, Ermənistan sülh tərəfdarıdır, Azərbaycan sülh tərəfdarı deyil. Yəni, bu, sadəcə, bir epizoddur. Bunu edən adamın nələrə gedə bilməsi aydın məsələdir".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!