Bu şəxslər təhsil haqqından azad edilə bilər

14 декабря 2017 16:23

Day.Az представляет новость на азербайджанском языке

"Azərbaycanda I qrup gözdən əlillərin təhsil haqqından azad edilməsi təklif olunur".

Day.Az Trend-ə istinadən xəbər verir ki, bunu Milli Məclisin Əmək və sosial siyasət komitəsinin sədri Hadı Rəcəbli komitənin bu gün keçirilən iclasında deyib.

Komitə sədri bildirib ki, I qrup gözdən əlillərin təhsil haqqının dövlət büdcəsi hesabına ödənilməsi variantına baxıla bilər:

"Dünən qəbuluma I qrup gözdən əlil olan 2 nəfər gəlmişdi. Onların hər ikisi konservatoriyaya daxil olub. Təhsil haqqı təxminən 2000 manatdır. Mənim hesablamalarıma görə, ali təhsil ocaqlarında 18 nəfər gözdən əlil təhsil alır. Bu vəsait bir ildə təxminən 100 min manatdan çox etməyəcək. Ola bilər ki, gələn sessiyada da bu məsələ barədə müzakirə aparaq. Çalışaq ki, həmin insanların bu problemi də həll edilsin".

H.Rəcəbli qeyd edib ki, I qrup gözdən əlillərə digər qrup əlillərdən iki dəfə çox müavinət verilir: "Onlar əmək pensiyasına çıxanda da belədir. Digər hallarda da onlara imtiyazlar verilir".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!