“Qızılca olan hər 10 uşaqdan 1-i öləcək” - Həkim yayılan epidemiyadan danışdı

13 января 2018 21:10

Day.Az представляет новость на азербайджанском языке

Azərbaycanın uroloq-cərrahı, tibb elmləri üzrə fəlsəfə doktoru Vasif İsmayıl Kiyevdə yayılmış qızılca epidemiyası ilə bağlı bəzi faktlar açıqlayıb.

Day.Az medicina.az-a istinadən bildirir ki, o, şəhərdə epidemiyanın sürətlə yayılma səbəbi kimi peyvəndin vurulmadığını göstərib.

"Ümumdünya səhiyyə təşkilatı qızılcadan ildə ortalama 150 min insan vəfat etdiyini bildirir. Bunların əksəriyyəti 5 yaşına qədər uşaqlardır.
Statistikaya əsasən qızılca xəstəliyinə tutulmuş beş yaşına qədər hər 10 uşaqdan biri itiriləcək.

Kiyevdə epidemiyanın səbəbi qızılca peyvəndi vurulmuş insanların cəmiyyətdəki nisbətinin kritik həddən aşağı düşməsidir.

Kiyevdə qızılca peyvəndi vurulmuş uşaqların nisbəti 30%-dir. Romanın dediyinə görə Azərbaycanda da belədir. İnanıram. Bəzən belə bir şey eşidirsiniz:

-Uşağıma heç peyvənd vurdurmadım. Xəstələnmir də. Demək ki, peyvənd lazımsız şeydir.
Yalandır. Öz də nadan yalanı.

Mən və mənim kimi məsuliyyətli vətəndaşlar uşaqlarına peyvənd vurdurur deyə sizin uşağınız xəstələnmir.

Amma cəmiyyətdə peyvənd edilməmiş insanların sayı müəyyən nisbətdən aşağı düşəndə epidemiya baş qaldırır.

Qızılca xəstəliyinə tutulmuş beş yaşına qədər hər 10 uşaqdan biri öləcək".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!