Azərbaycanda yayılan xəstəlik adi qrip deyil

Day.Az представляет новость на азербайджанском языке

1 aydan çoxdur ki, əhali arasında kütləvi yayılan, geridönüşlü, təkrarlanan və uzun müddət davam edən, əvvəl həkimlərin mövsümi qrip adlandırıb sanki "boş verdikləri" virus təhlükəli dövriyyəyə qədəm qoyub.

Day.Az medicina.az-a istinadən bildirir ki, bəzən gecəyarı belə insanlar aptekə gələrək qızdırma salıcı, öskürək əleyhinə dərmanlar, antibiotiklər, qrip dərmanları, akvamaris kimi preparatlar alır, aptekə gələn hər 10 nəfərdən 5-i isə qripə bənzər virusdan əziyyət çəkir.

Azərbaycan üçün yeni qrip epidemiyası halını alan və sanki bizə yeni, yad olan bu virus xəstəliyi, deyildiyi kimi 3-5 günə yox, 10-15 günə sağalır.
Allerqoloq-pulmanoloq Elaza Mikayılzadənin dediyinə görə, həkim özü də 1 aydan çoxdur, bu virusdan əziyyət çəkdiyini etiraf edərək, qəbula gələn pasiyentlərdə də eyni tip virus təyin etdiyini bildirib:

"Azərbaycanda yayılan virus kəskin respirator xəstəliklər qrupuna aid adenovirus infeksiyasıdır.  Daha çox 6 aylıqdan 5 yaşa kimi uşaqları, böyükləri və yaşlı insanları yoluxdurur. İmmuniteti zəif, xroniki xəstəliyi olanlarda xüsusilə kəskin baş qaldırır və ağırlaşmalarla davam edir.

Klinikası: aşağı və yuxarı tənəffüs yollarını, gözlərin selikli qişasını - konyuktivit zədələyir. Badamcıq və limfa düyünlərinin şişkinliyi və böyüməsi nəzərə çarpır. Miokardit, bronxit, angina, sinusit, frontit kimi təzahürlər verir.

Adenovirusun oyadıcısı olan virus çox davamlıdır, soyuq havaya və otaq temperaturuna qarşı dayanıqlıdır. Aktivliyini evdə 2 həftəyə kimi saxlayır. Yalnız UF lampa ilə ölə bilir.

Xəstəliyin yoluxma mənbəyi infeksiyalı insandır. Virus orqanizmdən burun boğaz ifrazı və nəcislə ifraz olunur. Ətraf üçün 3-4 həftə müddətində təhlükəlidir. Yoluxma hava-damcı yolu ilə baş verir. Bakteriyalarla birləşdikdə bakterial infeksiyaya keçir - bu zaman antibiotiklərlə müalicə qaçılmazdır. Lakin adenovirusun ilk başdan antibiotiklə müalicəsi düzgün deyil".

Həkim xəstə olan evdə dezinfeksiya işlərinin gücləndirilməsini, nəm təmizləmə işlərinin görülməsini, yataq dəstləri, dəsmalların hər gün yuyulmasını, evin havasının tez-tez dəyişdirilməsini məsləhət görür. Bu elə bir virusdur ki, heç bir xalq təbabəti üsulu kömək etmir. Virus əleyhinə müalicə aparılmalıdır.

Evdə də, çöldə də ağızda qoruyucu maska taxılmalıdır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.