Azərbaycan radioları dinləyiciləri niyə ələ salırlar?
Day.Az представляет новость на азербайджанском языке
Milli Televiziya və Radio Şurası (MTRŞ) radiolarla bağlı apardığı monitorinqlərdə bütün radio yayımçılarını əhatə etməyə çalışıb.
Day.Az xəbər verir ki, bunu Trend-ə Milli Televiziya və Radio Şurasının (MTRŞ) Monitorinq şöbəsinin müdiri Təvəkkül Dadaşov deyib.
T.Dadaşovun sözlərinə görə, dövlət büdcəsindən maliyyələşən radioların efirində ciddi pozuntu hallarına rast gəlinməyib: "Həmçinin bu radioların proqram səbəti tamamilə balanslaşdırılmış və əsasən maarifçilik xarakterli verilişlərdən ibarətdir. Dövlət büdcəsindən maliyyələşən radiolardan yalnız Avto FM-in efirində müəyyən problemlər diqqəti cəlb edir. Lakin əvvəlki dövrlərlə müqayisədə bir sıra müsbət yeniliklər də müşahidə edilir".
T.Dadaşov vurğulayıb ki, monitorinqlər zamanı özəl radioların efirində maarifləndirici layihələrin azlığı diqqəti cəlb edib:
"Monitorinqlər zamanı radioların efirində milli-mənəvi dəyərlərə zidd mövzuların müzakirəyə çıxarılması ilə bağlı da bir sıra faktlar müşahidə edilib. Xüsusilə "Media FM"-in efirində "Manpası" verilişində bu cür hallara tez-tez rast gəlinir. Bundan başqa, monitorinqlərdə bir sıra aparıcıların efir mədəniyyətinə, mənəvi dəyərlərə zidd açıq və sətiraltı ifadələrdən istifadə etməsi, verilişlərdə milli-mənəvi dəyərlərə zidd mövzularda müzakirələr təşkil olunması, verilişə zəng edən dinləyicilərin ələ salınması kimi hallar da aşkar edilib. Bütün qeyd olunan məsələlərlə bağlı konkret faktların əksini tapdığı geniş arayış hazırlanaraq Şura rəhbərliyinə təqdim edilib. Radiomonitorinqlərin televiziya monitorinqləri kimi, davamlılığının təmin edilməsi nəzərdə tutulur".
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре