Bayram süfrəsinin ən ləziz şirniyyatı - PAXLAVA
Day.Az представляет новость на азербайджанском языке
Bayram süfrələrinin ən ləzzətli şirniyyatı heç şübhəsiz ki? paxlavadır. Romb formalı bu ləzzətli şirniyyatdan heç kəs imtina etməz. Day.Az ailem.az-a istinadən Novruz süfrələrinizin bəzəyi paxlavanın hazırlanma qaydasını təqdim edir.
Tərkibi:
240 qr əla növ buğda unu
60 qr ərinmiş yağ
80 qr üzlü süd
1 ədəd yumurta
8 qr maya
200 qr təmizlənmiş badam və ya qoz ləpəsi
200 qr şəkər tozu
0,4 qr zəfəran
0,2 qr vanil
20 qr bal
Hazırlanması:
Un, yağ, süd, yumurta maya qarışdırılıb yumşaq xəmir yoğurulur. Xəmir 0,5 mm qalınlığında yayılır. Tavanın dibinə yağ sürtülür və xəmir qatı sərilib üstünə 3-4 mm qalınlığında iç tökülür. Içliyin üstünə ikinci xəmir qatı salınır, yağ sürtülüb yenidən içlik tökülür və bu qayda 8-10 qata qədər davam etdirilir. Sonra paxlava romb şəklində kəsilir, üst qatına zəfəran şirəsi qatılmış yumurta sarısı çəkilir. Hər paxlavanın ortasına yarım ləpə və yaxud püstə qoyulur. Paxlava 180-200 dərəcədə 35-40 dəqiqə bişirilir. Hazır olmağa 15 dəqiqə qalmış üstünə şərbət və yaxud bal tökülür.
Nuş olsun!
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре