Qurban Qurbanov Azərbaycan millisinin 2 futbolçusunu cəzalandırıb

Day.Az представляет новость на азербайджанском языке

Azərbaycan millisinin futbolçuları Araz Abdullayev və Elvin Yunuszadənin adlarının Belarus yığması ilə yoldaşlıq görüşünün iştirak ərizəsinə daxil edilməməsinin səbəbi müəyyənləşib.

Day.Az report.az-a istinadən bildirir ki, bu barədə komandanın baş məşqçisi Qurban Qurbanov məlumat verib.

O, bildirib ki, hər iki futbolçu kiçik xətaya yol verdikləri üçün kənarda qalıblar:

"Ola bilər ki, onlardan biri Antalyaya Makedoniya ilə yoldaşlıq görüşünə getsin, digəri yox. Oyundan sonra otelə qayıdacağıq və yekun qərarımı verəcəyəm. Amma böyük xəta deyil".

Matç Belarus yığmasının 1:0 hesablı qələbəsi ilə başa çatıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.