"Amerikada buna sahib ilk Azərbaycanlı mənəm" - Azərbaycanlı model və müğənni - VİDEO - FOTO

17 апреля 2018 16:43

Day.Az представляет новость на азербайджанском языке

Uzun illərdir Amerikada yaşayan əslən Azərbaycanlı model Stefano Suaros yenidən Amerikada dəb bilicilərini başına toplayıb və özünün S&D Magazine jurnalini təqdim edib.

Nyu-Yorkun mərkəz otellərinin birində baş tutan təqdimatda tanınmış biznesmenlər, dizaynerlər və top modellər iştirak ediblər.

Stefano Suaros Milli.Az-a açıqlamasında bu sözləri deyib:

"Bu gün çox xoşbəxtəm. Nəhayət ki, S&D Fashion Akademiyasının uzun zamandır üzərində çalışdığım S&D Magazine dərgisini təqdim elədim. Çox yüksək kefiyyətdə hazırlanan dərgimiz, həm qiymət həm də dizayn baxımından bir çox jurnallardan fərqlənir. Dərgidə dünyanın bir çox brend markaları, dizaynerləri və məhşur modelləri, eyni zamanda, həmyerlimiz müğənni İlhamə Qasımova da yer alıb. Təqdimat çox gözəl keçdi. Yaxın dostlarım, iş adamları qonağım oldu. Jurnal Azərbaycanda daxil olmaqla dünyanın 11 ölkəsində satışa çıxarılıb və çox qürur duyuram ki, Amerikada yüksək kefiyyətdə moda dərgisinə sahib olan ilk müsəlman və azərbaycanlı mənəm. Yeri gəlmişkən vətən üçün çox darıxıram, inşallah, yaxın zamanlarda görüşərik".

Qeyd edək ki, əslən azərbaycanlı model Stefano Suaros hələ Azərbaycanda olarkən Asəf Zeynallı adına musiqi məktəbini bitirib. Nyu-Yorkda bir çox fəşn şouların açılışına həm model, həm də müğənni olaraq qatılır.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:

Самое важное и срочное мы публикуем на странице в Telegram. Подпишись!