ABŞ-nin Azərbaycandakı səfirliyi ABŞ-Türkiyə futbol matçına həsr olunan tədbir keçirib - FOTO - VİDEO

Azərbaycanca, 26 июня 2026 07:01 (UTC +04:00) 313

ABŞ-nin Azərbaycandakı səfirliyi ABŞ və Türkiyə arasında 2026-cı il futbol üzrə dünya çempionatı matçına həsr olunmuş tədbir keçirib.

Trend-in tədbirdə iştirak edən müxbirinin verdiyi məlumata görə, "USA-Türkiye World Cup Watch Party" adlı tədbir Bakıda yerləşən "Landmark III" kompleksinin 22-ci mərtəbəsində keçirilib.

ABŞ səfirliyi tərəfindən dəvət olunmuş qonaqlar səhər yeməyi zamanı dünya çempionatının qrup mərhələsi matçını qrup şəklində izləmək üçün toplaşıblar.

Görüş yerli vaxtla səhər saat 6:00-da başlayıb.

ABŞ-nin İnqlvud şəhərindəki "So-Fi" stadionunda keçirilən qarşılaşma Türkiyə yığmasının 3:2 hesablı qələbəsi ilə başa çatıb.

Qrup mərhələsinin yekununa əsasən, 6 xalla ABŞ yığması birinci yeri tutub. 4 xalı olan Avstraliya və Paraqvay müvafiq olaraq ikinci və üçüncü pillələrdə qərarlaşıblar. Türkiyə isə 3 xalla sonuncu yeri tutub.