Köçəryan Korrupsiyaya Qarşı Mübarizə Komitəsinə aparılıb
Ermənistanın keçmiş prezidenti Robert Köçəryan Korrupsiyaya Qarşı Mübarizə Komitəsinə aparılıb.
Day.Az xəbər verir ki, bu barədə "Sputnik Ermənistan"a "Ermənistan" blokundan olan deputat Aqnessa Xamoyan bildirib.
Onun sözlərinə görə, sabiq prezidentin və kiçik oğlu Levon Köçəryanın evində, həmçinin ailəyə məxsus bir sıra obyektlərdə axtarışlar aparılıb.
Keçmiş prezidentin ofisinin rəhbəri Baqrat Mikoyan onun saxlanıldığını təsdiqləyib.
Mənbələrin məlumatına görə, vergi xidməti Köçəryan ailəsinə məxsus "Toyota" salonunu möhürləyib. "Orange Fitness" idman kompleksində də istintaq hərəkətləri aparılır.
Bir gün əvvəl Levon Köçəryanla Baş nazir Nikol Paşinyan parlamentdə sözlü mübahisə edib. Paşinyan deputatın bütün əmlakını əlindən alacağını və onun həmin əmlakı uşaqlarına və nəvələrinə miras qoymasının mümkün olmayacağını bildirib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
