Güclü günəş yanıqları dəri xərçəngi riskini artırır
Alimlərin apardığı araşdırmaya görə, güclü günəş yanıqları yastıhüceyrəli dəri xərçəngi riskini əhəmiyyətli dərəcədə artırır.
Day.Az xəbər verir ki, 321 mindən çox insanın iştirak etdiyi 17 tədqiqatın nəticələri bunu təsdiqləyib.
Məlum olub ki, şiddətli günəş yanıqlarına məruz qalanlarda risk 51%, yüksək tezlikdə günəş yanığı keçirənlərdə isə 69% daha çoxdur. Uşaqlıq dövründə tez-tez günəş yanığı keçirmək isə sonrakı illərdə bu riski təxminən üç dəfə artırır.
Mütəxəssislər günəşin ultrabənövşəyi şüalarının dəri hüceyrələrinin DNT-sinə zərər verdiyini bildirirlər. Qorunmaq üçün günəşdən qoruyucu krem, baş geyimi və uzunqollu geyimdən istifadə etmək, xüsusilə günorta saatlarında birbaşa günəş şüalarından uzaq durmaq tövsiyə olunur.
Заметили ошибку в тексте? Выберите текст и сообщите нам, нажав Ctrl + Enter на клавиатуре
