Avtomobil markaları qiymətlərini yenilədi

Yeni ilin başlaması ilə bir sıra avtomobil markası qiymətləri yeniləməyə başlayıb.

Day.Az teleqraf.com-a istinadən bildirir ki, çip və enerji böhranı avtomobillərin qiymətini günbəgün artırıb.

Bu səbəbdən "Renault", "Volkswagen", "Kia" və "Hyundai" 1 yanvar 2023-cü il tarixinə qiymət siyahılarını yeniləyəcəklərini açıqlayıb.

Sıfır kilometr avtomobillərin dilerlərə gəlməsi ilə yanvar ayında qiymətlər yenidən yüksələcək. Artımın nə qədər olacağı isə siyahıların açıqlanması ilə müəyyənləşəcək.

Bir çox markalar yüksək tələbat səbəbiylə yanvar ayında qiymət zəmanəti olmadan satılan avtomobillərin siyahısını açıqlayıb.