Gimnastika arenasından və Dünya Kubokunun atmosferindən məmnunam

Bakıdakı yarışdan əvvəl məşqlərə çox vaxt ayırmışam.

Bunu cümə günü Trend-ə Bakıda keçirilən bədii gimnastika üzrə FIG Dünya Kubokunun iştirakçısı, Peru idmançısı Nikolas Qarfias deyib.

"Etiraf edim ki, Kubokdakı çıxışımdan tam razı deyiləm, lakin məşqlərə çox vaxt ayırdığımı nəzərə alsaq, yaxşı nəticə göstərmək istəyim böyük idi. Bakıdan əvvəl mən turnirdə iştirak etmişdim - Kottbus (Almaniya) və Dohada (Qətər) keçirilən dünya kuboklarında. 3-cü mərhələ yoxdur, məşqçi, fizioterapevt hər zaman yanımdadır, sağalmağıma kömək edirlər", - Perudan olan idmançı bildirib.

Nikolas Qarfias əlavə edib ki, bu, onun Azərbaycana ilk səfəridir və gimnastika arenasından və yarışın ab-havasından məmnundur.

Qeyd edək ki, idman gimnastikası üzrə FIG Dünya Kuboku 9-12 mart tarixlərində Bakı şəhərində yerləşən Milli Gimnastika Arenasında keçiriləcək. Yarışlarda dünyanın 48 ölkəsindən 173 gimnast iştirak edəcək ki, bu da ölkəmizdə gimnastika fənləri üzrə keçirilən Dünya Kuboku tarixində iştirakçı ölkələrin sayına görə rekord göstəricidir.

Bakı şəhərində keçirilən Dünya Kuboku üzrə dördgünlük yarışların ilk iki günü ixtisaslaşma mərhələləri, digər günlərdə isə finallar keçiriləcək və ayrı-ayrı gimnastika aparatlarında məşqlər üzrə qaliblər və mükafat sahibləri müəyyən olunacaq. Dördgünlük yarışların nəticələrinə əsasən ən yüksək bal toplamış gimnastlara həmçinin ənənəvi AGF Trophy Kuboku təqdim ediləcək.

Azərbaycanı yarışlarda Nikita Simonov və İvan Tixonov (kişi idman gimnastikası), Samirə Qəhrəmanova və Nazənin Teymurova (qadın idman gimnastikası) təmsil edirlər. Yarışların birinci gününün nəticələrinə əsasən Nikita Simonov finala halqalarla məşqlə keçib.