Qarpızı kəsmədən əvvəl mütləq bunu edin – Zəhərlənə bilərsiniz
Yayın sevilən və təravətləndirici meyvəsi olan qarpız düzgün yuyulmadan istehlak edildikdə ciddi qida zəhərlənməsinə səbəb ola bilər.
Day.Az Milli.Az-a istinadən xəbər verir ki, qastroenteroloq Prof. Dr. Vedat Göral xəbərdarlıq edir: qarpızın xarici qabığında daşınma, satış və saxlanma zamanı müxtəlif bakteriyalar toplanır. Əgər meyvə kəsilməzdən əvvəl sabun və isti su ilə yuyulmazsa, bıçaqla birlikdə bu bakteriyalar meyvənin içərisinə keçə bilər.
Mütəxəssis həmçinin xəbərdarlıq edib ki, kəsilmiş qarpız otaq temperaturunda 2 saatdan çox saxlanmamalı, açıq havada isə bu müddət maksimum 1 saat olmalıdır. Əks halda, bakteriyalar sürətlə çoxalaraq sağlamlıq üçün təhlükəli vəziyyət yarada bilər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
