Saç niyə tökülür və keçəlliyə çarə varmı? - Mütəxəssislər izah edir
Saç tökülməsi həm kişilər, həm də qadınlar üçün geniş yayılmış problemdir.
Day.Az Milli.Az-a istinadən xəbər verir ki, mütəxəssislər bildirir ki, bu prosesin səbəbləri müxtəlif ola bilər və bəzi hallarda keçəlliyin qarşısını almaq mümkündür.
Əsas səbəblər nələrdir?
Dermatoloqlar saç tökülməsinin genetik meyillilik, hormonal dəyişikliklər, stres, qeyri-sağlam qidalanma, dəmir və vitamin çatışmazlığı, tiroid pozuntuları və dərman istifadəsi kimi amillərlə bağlı olduğunu vurğulayır. Xüsusilə kişilərdə androgenetik alopesiya (irsi keçəllik) ən çox rast gəlinən səbəbdir.
Keçəlliyə qarşı müalicə mümkündürmü?
Bəzi hallarda saç tökülməsini yavaşlatmaq və ya bərpa etmək mümkündür. Bunun üçün istifadə olunan üsullara aşağıdakılar daxildir:
Dərman müalicəsi: Minoxidil və Finasteride kimi preparatlar saç köklərini gücləndirməyə və yeni saçların çıxmasına kömək edə bilər.
PRP (Plazma) terapiyası: Xəstənin öz qanından əldə olunan plazmanın saç dərisinə yeridilməsi yolu ilə tətbiq edilir.
Saç əkimi: Tam keçəllik hallarında ən təsirli və qalıcı üsullardan biri hesab olunur.
Vitamin və mikroelement dəstəyi: Dəmir, D vitamini, sink və biotin kimi maddələrin çatışmazlığı aradan qaldırıldıqda, saçların vəziyyətində əhəmiyyətli yaxşılaşma müşahidə olunur.
Qarşısını almaq üçün nə etmək olar?
Mütəxəssislər düzgün qidalanma, stressin idarə olunması, kimyəvi məhsullardan uzaq durmaq və müntəzəm saç baxımının saç sağlamlığını qorumaqda önəmli rol oynadığını bildirir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
