Gənə dişləməsi və borrelioz:

Həkim bildirir ki, gənə dişlədikdə ən böyük səhv onu çıxarmağı gecikdirmək və gənə ilə birlikdə xəstəxanaya getməkdir. Gənə dəridə nə qədər uzun qalarsa, borrelioz yoluxma riski bir o qədər artır. Bakteriyalar adətən bir neçə saatdan sonra ötürülməyə başlayır, buna görə vaxt çox vacibdir.

Day.Az xəbər verir ki, ən doğru addım gənəni mümkün qədər tez, ev şəraitində çıxarmaqdır.

Bunun üçün pinset və ya hətta diqqətlə barmaqdan istifadə etmək olar. Gənəni yağ, spirt və ya krem ilə sürtmək və ya yandırmaq olmaz, çünki bu, infeksiyanın yayılma riskini artıra bilər. Əgər gənənin bir hissəsi dəridə qalarsa, kiçik qara nöqtə adətən təhlükəli sayılmır, amma şübhə olduqda həkimə müraciət etmək lazımdır.

Gənə çıxarıldıqdan sonra bir neçə həftə həmin nahiyə izlənilməlidir. Dəridə halqa şəklində qızartı (miqrasiya edən eritema), halsızlıq və oynaq ağrıları borrelioz əlaməti ola bilər. Hətta analizlər ilkin mərhələdə mənfi olsa belə, şübhəli simptomlar varsa həkimə müraciət edilməlidir.