Azərbaycan-Gürcüstan sərhədində yük nəqliyyat vasitələrinin keçidi sürətləndiriləcək
Azərbaycan-Gürcüstan dövlət sərhədində yük nəqliyyat vasitələrinin sıxlığının aradan qaldırılması və sərhədkeçmə proseslərinin sürətləndirilməsi üçün zəruri tədbirlərin həyata keçirilməsi planlaşdırılır.
Day.Az Trend-ə istinadən xəbər verir ki, bu barədə Dövlət Gömrük Komitəsindən məlumat verilib.
Bildirilib ki, dövlət sərhədində yük nəqliyyat vasitələrinin sıxlığının yaranması ilə əlaqədar Azərbaycan və Gürcüstan gömrük xidmətlərinin rəhbərliyi arasında müzakirələr aparılıb.
Müzakirələr zamanı mövcud vəziyyət, sıxlığın aradan qaldırılması və yük nəqliyyat vasitələrinin sərhəddən keçidinin daha da sürətləndirilməsi məsələləri nəzərdən keçirilib.
Tərəflər sərhədkeçmə proseslərinin sürətləndirilməsi məqsədilə müvafiq zəruri tədbirlərin həyata keçirilməsini planlaşdırıblar.
Заметили ошибку в тексте? Выберите текст и сообщите нам, нажав Ctrl + Enter на клавиатуре
