Kalsium çatışmazlığının əsas əlamətləri açıqlanıb
Həkimlərin sözlərinə görə, kalsium çatışmazlığı özünü əsasən əzələ spazmları, qıcolmalar və xüsusilə qol, ayaq və ağız ətrafında yaranan qıdıqlanma ilə göstərə bilər. Kövrək dırnaqlar, quru saç və dəri, diş problemləri, halsızlıq və yorğunluq da mümkün əlamətlər sırasındadır.
Day.Az xəbər verir ki, kalsiumun azalması sinir sisteminin həssaslığını artıra, diqqət və yaddaş problemlərinə, əhval dəyişikliklərinə və yuxu pozuntularına səbəb ola bilər.
Daha ağır hallarda ürək ritminin pozulması, çaşqınlıq və qıcolmalar müşahidə edilə bilər.
Mütəxəssislər kalsiumu ilk növbədə süd məhsulları, yarpaqlı göyərtilər, qoz-fındıq, toxumlar və zənginləşdirilmiş qidalardan almağı tövsiyə edirlər. Kalsium çatışmazlığından şübhələnən şəxslərin isə özbaşına əlavə qəbul etmək əvəzinə həkimə müraciət etməsi məsləhətdir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
