Filarmoniyada Heydər Əliyevin anım gününə həsr olunmuş tədbir keçirilib

Dekabrın 8-də Bakı Şəhər Baş Mədəniyyət İdarəsinin təşkilatçılığı ilə Azərbaycan Dövlət Akademik Filarmoniyasında ümummilli lider Heydər Əliyevin anım gününə həsr olunmuş tədbir keçirilib.

Day.Az xəbər verir ki, tədbir Azərbaycan Dövlət Himninin səsləndirilməsi ilə başlayıb.

Sonra ulu öndər Heydər Əliyev haqqında videoçarx nümayiş etdirilib.

Eyni zamanda, Əməkdar artist Aybəniz Haşımova və "Sənət" akademiyasının üzvlərinin ifasında konsert proqramı təqdim olunub.