Bayram günlərində bu marşrut üzrə əlavə 12 qatar reysi təyin edilib
"Azərbaycan Dəmir Yolları" QSC (ADY) Milli Qurtuluş Günü və Qurban bayramı ilə əlaqədar qeyri-iş günlərində Bakı-Ağstafa-Bakı marşrutu üzrə artan sərnişin tələbatının qarşılanması məqsədilə xəttə əlavə 12 qatar reysi təyin edib.
Day.Az bu barədə ADY-yə istinadən xəbər verir.
Marşrut üzrə təyin edilmiş qatarlar 14, 15, 17, 18 və 19 iyun tarixlərində hər iki istiqamətdə, 16 iyun tarixində isə bir istiqamətdə - Bakıdan Ağstafaya hərəkətdə olacaq.
Bununla yanaşı, 14 iyundan etibarən Bakı-Ağstafa-Bakı marşrutu üzrə müasir və komfortlu yeni "Stadler" qatarları hərəkətə başlayacaq. Sürətli qatarlar hər gün Bakıdan Ağstafaya saat 08:00 və saat 18:00-da, Ağstafadan Bakıya isə saat 08:20 və saat 18:20-də yola düşəcək. Həmçinin yeni qatarlara ilk dəfə olaraq Ləki və Ucar stansiyalarında da dayanacaq verilir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
