Xırdalanda yaşayış binasında yanğın olub

Abşeron rayonu, Xırdalan şəhərində yaşayış binasında yanğın baş verib.

Day.Az xəbər verir ki, Fövqəladə Hallar Nazirliyinin mətbuat xidmətindən Trend-in sorğusuna cavab olaraq bildirilib ki, FHN-in 112-i qaynar xəttinə Abşeron rayonu, Xırdalan şəhərində yanğın baş verməsi ilə əlaqədar məlumat daxil olub.

Dərhal əraziyə nazirliyin Dövlət Yanğından Mühafizə və Xüsusi Riskli Xilasetmə xidmətlərinin əməkdaşları və texnikası cəlb olunub.

Qeyd edilib ki, hazırda ərazidə yanğının söndürülməsi istiqamətində işlər aparılır.