Ermənistanda qazdoldurma məntəqəsində partlayış

Bu gün Ermənistanın Abovyan şəhərində, İrəvan yaxınlığında yerləşən qazdoldurma məntəqəsində partlayış baş verib.

Milli.Az-ın xarici KİV-lərə istinadən verdiyi məlumata görə, hadisə nəticəsində bir nəfər xəsarət alıb.

İlkin məlumata görə, partlayış məntəqənin işçisinin siqaret yandırması səbəbindən baş verib. Yaralı dərhal İrəvan Milli Yanıq Mərkəzinə çatdırılıb, vəziyyətinin ağır olduğu bildirilir.

 

Hadisə ilə əlaqədar cinayət işi açılıb və araşdırma davam edir.