Həddindən artıq isti içkilər xərçəng riskini artıra bilər
Britaniyada təxminən bir milyon insanın iştirak etdiyi 14 illik araşdırmaya görə, çox isti çay və qəhvə içmək qida borusunun yastıhüceyrəli xərçəngi riskini artıra bilər.
Day.Az xəbər verir ki, alimlər əsas risk faktorunun içkinin miqdarı deyil, temperaturu olduğunu bildiriblər.
Araşdırmada gündə altı və daha çox fincan çox isti içki qəbul edənlərdə bu xərçəng növünün riskinin 71 faiz artdığı müəyyənləşdirilib. Mütəxəssislər hesab edirlər ki, yüksək temperatur qida borusunun selikli qişasında termik zədələnməyə səbəb ola bilər.
Ekspertlər çay və qəhvəni içməzdən əvvəl bir qədər soyutmağı, yəni rahat içiləcək temperatura çatmasını gözləməyi tövsiyə edirlər. Bununla belə, araşdırmada içki temperaturunun iştirakçıların öz qiymətləndirməsinə əsaslanmasının nəticələrə müəyyən təsir göstərə biləcəyi də qeyd olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
