Şamaxı yolu çökdü - VİDEO
Day.Az представляет новость на азербайджанском языке
Bakı-Şamaxı-Yevlax avtomobil yolunun Şamaxıdan keçən hissəsində torpaq uçqunu baş verib. Yolun başqa bir hissəsində isə iki nöqtədə yol çöküb.
Dünən axşam Bakı-Şamaxı avtomobil yolunun 106-107-ci kilometrliyində iri torpaq yığını avtomobillərin intensiv hərəkət etdiyi yola tökülüb.
Day.Az bildirir ki, sözügedən ərazidə daha əvvəl də bir neçə dəfə belə hadisə baş verib. Yolun bu hissəsində baş verən torpaq uçqununun qarşısını almaq məqsədilə istinad divarı çəkilsə də, torpaq axınının qarşısını almaq mümkün olmayıb. Yola tökülən torpaq avtomobillərin hərəkətinə mane olub.
Səhər saatlarından etibarən yola tökülən torpaq kütləsi texnikalar vasitəsilə ərazidən uzaqlaşdırlıb.
Yolun 109-132-ci km-də isə yol çöküb. Asfalt örtüyündə çalalar əmələ gəlib. Bu da həmin ərazidə avtomobilərin hərəkətinə qismən də olsa, təsir edib. Bu səbəbdən sözügedən ərazidə təmir işlərinə başlanılıb, çökmüş yola yeni asfalt vurulub. /xezerxeber.az
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Videonu izləmək üçün şəklə klikləyin:
Заметили ошибку в тексте? Выберите текст и сообщите нам, нажав Ctrl + Enter на клавиатуре
