Yevlaxda balıq tutmaq üçün kanala çıxan şəxs boğularaq ölüb
Yevlax rayonunda 56 yaşlı kişi kanalda boğularaq ölüb.
Day.Az Trend-ə istinadən xəbər verir ki, hadisə avqustun 17-də gecə saat 01:00 radələrində "Yuxarı Şirvan" kanalının Yevlax rayonunun Xanabad kəndi ərazisindən keçən hissəsində baş verib.
Belə ki, Yevlax rayonunun Qaramanlı kənd sakini, 1970-ci il təvəllüdlü Tofiq Qaçay oğlu Süleymanov balıq tutmaq məqsədilə qayıqla kanala çıxıb. Qayığın güclü su axını səbəbindən bənd istiqamətində hərəkət etdiyini görən T.Süleymanov özünü suya atıb və nəticədə boğularaq ölüb.
Onun meyiti kanalın Ağdaş rayonunun Şəkili kəndi ərazisindən keçən hissəsində aşkar edilib.
Faktla bağlı rayon prokurorluğunda araşdırma aparılır.
Заметили ошибку в тексте? Выберите текст и сообщите нам, нажав Ctrl + Enter на клавиатуре
