Döymə etdirənlərə xəbərdarlıq: Alimlərdən narahatedici açıqlama
.jpg)
Cənubi Danimarka Universiteti və Lund Universitetinin tədqiqatçıları döymə mürəkkəbinin dəri ilə məhdudlaşmadığını, limfa düyünlərinə qədər yayıla bildiyini müəyyən ediblər. Alimlər bunun immun sistemində uzunmüddətli reaksiyalara səbəb ola biləcəyini bildirirlər.
Day.Az xəbər verir ki, araşdırmaya görə, döyməsi olan şəxslərdə dəri xərçəngi riskinin 1,62 dəfə yüksək olduğu aşkarlanıb. Ovuc içindən böyük döymələrdə isə bəzi dəri xərçəngi növləri üzrə riskin daha yüksək olduğu qeyd edilib.
Tədqiqatçılar qara mürəkkəbdə kanserogen xüsusiyyətli karbon qara maddəsinin, qırmızı mürəkkəbdə isə daha güclü dəri reaksiyalarına səbəb ola bilən komponentlərin olduğunu bildirirlər. Mütəxəssislər döymədən sonra dəri və ya limfa nahiyəsində qeyri-adi dəyişikliklər müşahidə edən şəxslərə həkimə müraciət etməyi tövsiyə edirlər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
